Jaı túsken 4 týrıst mert boldy
ASTANA. 29 shilde. QazAqparat - Polshanyń ońtústiginde 4 týrıstiń múrdesi tabyldy, boljam baıynsha olarǵa jaı túsken.
Bul aqparatty Polsha BAQ-taryna silteme jasap BBC News habarlaıdy.
Qaza tapqandar - taýǵa joryqqa shyqqan jastary elýden asqan erli-zaıyptylar, olardyń qyzdary jáne onyń bolashaq kúıeýi. Mert bolǵandardyń múrdesi Slovakııamen shekaralas jerde ornalasqan Penın taý alabynan tabyldy.
Polıak bıligi týrıster qazasynyń sebebin anyqtaý úshin tergeý amaldaryn júrgizbek. Qutqarýshylardyń atap ótýinshe, naızaǵaıdyń bir soqqysynan 4 adamnyń birdeı qaza bolýy óte sırek kezdesetin jaıt.
