Jaı túsip, sot ǵımaraty órtke orandy
ASTANA. QazAqparat - Harkov appelıatsııalyq ákimshilik sotynyń ǵımaratyna jaı túsip, otqa orandy, dep habarlaıdy «Interfaks-Ýkraına».
Bul jaıly Harkov oblysy TJMQ basshylyǵy málim etti. Qyzmetkerlerdiń aldyn ala bergen aqparatyna qaraǵanda, naızaǵaı órtke sebep bolǵan.
Ýkraınanyń tótenshe jaǵdaılar memlekettik qyzmetiniń saıtynda aıtylǵandaı, jalyn 1,8 myń sharshy metrdi sharpydy.
Órt saldarynan shatyr men shatyrdyń asty janyp ketken. Mekeme aqparatynsha, zardap shekkender joq.
Tilsiz jaýdy aýyzdyqtaýǵa 39 tehnıka men 133 qutqarýshy jumyldyrylǵan. Oqıǵa ornynda Ýkraınanyń Harkov oblystyq Tótenshe jaǵdaılar memlekettik qyzmeti jumys jasap jatyr.
