Jaı túsip, Hrıstos músininiń qolyn syndyryp ketti
ASTANA. 19 qańtar. QazAqparat - Rıo-de-Jaınero qalasynda daýyl saldarynan Hrıstostyń ataqty músinine zaqym keldi,
dep habarlady RBK qalalyq bıliktiń málimdemesine silteme jasaı otyryp.
Sheneýnikterdiń aıtýy boıynsha, naızaǵaı saldarynan músinniń oń qolynyń basbarmaǵy synyp ketken. Ótken aıda bolǵan jaýyn-shashynda oń qoldyń ortańǵy saýsaǵynda jaryq paıda bolǵan edi. Qalalyq bılik aldaǵy ýaqytta jóndeý jumystaryn júrgizýge ýáde berdi. Qalpyna keltirý jumystaryn bastaý ýaqyty men qarjy máselesi ázirshe naqtylanbaǵan.
2010 jyly 4 mln. dollarǵa músinge qaıta jóndeý jumystary júrgizilgen bolatyn. Hrıstostyń beti men qolyndaǵy mújilgen tustar jańartylǵan.
Bul músin 1931 jyly turǵyzylǵan. Oǵan 9 jyl ýaqyt ketken edi. Onyń kerek-jaraqtary Frantsııada daıyndalǵan. Nátıjesinde músin temir betonnan jasaldy. Monýmenttiń bıiktigi - 38 m, qoly - 28 m, salmaǵy - 1 145 tonna.
Ol Rıo-de-Janeıroda Korkovadý taýynyń shyńynda ornalasqan. Brazılııada eń tanymal nyshandardyń birine jatady. 2007 jyly Hrıstostyń músini álemniń jeti keremetiniń tizimine engizildi.
