Jaı túsip, 100-den astam qoı men eshki órtenip ketti
ASTANA. QazAqparat - Úndistannyń soltústiginde naızaǵaı soǵýy saldarynan kem degende 107 qoı men eshki órtenip ketti. NDTV telearnasynyń dúısenbi kúni habarlaýynsha, oqıǵa Djammý men Kashmıo shtatynyń Radjýrı taýly aımaǵynda bolǵan.
Telearnanyń málimetinshe, maldyń jappaı qyrylýy týraly aqparat ótken aptanyń sońynda kelgen. Jergilikti bılik oqıǵa ornyna polıtsııa tobyn jibergen. Dúısenbige qaraı polıtseıler janýarlardyń jaı túsip, ólgendikterin rastady.
Úndi BAQ-tarynyń habarlaýynsha, bul osy elde sońǵy jylda naızaǵaı soǵýy saldarynan qyrylǵan maldyń eń kóp sany bolyp tabylady.
