«Jaýjúrek myń bala» fılmine 30-ǵa tarta álemdik prokatshy qyzyǵýshylyq tanytty
ASTANA. 26 sáýir. QazAqparat - Rejısser Aqan Sataevtyń tarıhı ekshni «Jaýjýrek myń bala» kınonaryǵyndaǵy 65-shi Kann festıvaline deıin 30-dan astam halyqaralyq dıstrıbıýtorlardyń qyzyǵýshylyǵyn týǵyzyp otyr.
Bul týraly fılmdi kórsetýge arnalǵan baspasóz máslıhatynda «Qazaqfılm» AQ dırektory Ermek Amanshaev málim etti, dep habarlaıdy BNews.kz agenttiginiń tilshisi.
«Kann festıvali kınonaryǵy aıasynda «Jaýjýrek myń bala» fılminiń kommertsııalyq kórsetilimi 17 mamyrda ótedi. Sodan keıin álemniń eń iri prokatshylarymen kezdesýler uıymdastyrylady. Kórsetilimge deıin fılmge álemniń 30-ǵa tarta dıstrıbıýtorlary qyzyǵýshylyq tanytyp úlgerdi», dep habarlaıdy E.Amanshaev.
Kann festıvali kınonaryǵynyń maqsaty - álem boıynsha kórsetiletin prokattar úshin kommertsııalyq áleýeti joǵary kartınalardy iriktep alý bolyp tabylady.
«Fılm Qazaqstan boıynsha keń prokatqa 3 mamyr kúni shyǵady. Uzaq jyldardan beri alǵash ret biz qazaq jáne orys tilderinde osyndaı aýqymdy kólemde kartına kóshirmesin shyǵaryp otyrmyz», - dep túıindedi sózin E Amanshaev myrza.
