Jaýyngerlik jekpe-jektiń dúnıejúzilik oıyndaryna qazaqstandyqtar da qatysýda - Beıjiń
BEIJІŃ. Tamyzdyń 30-y. QazAqparat /Rýslan Súleımenov/ - Beıjińde, tamyzdyń 28-inde jaýyngerlik jekpe-jek óneriniń tarıhtaǵy tuńǵysh Dúnıejúzilik oıyndary bastaldy.
Halyqaralyq olımpıadalyq komıtettiń uıytqy bolýymen ótip otyrǵan jarys baǵdarlamasynda aıkıdo, japon kúresi erekshe tur. Jekpe-jektiń bul túrleri boıynsha medaldar sarapqa salynbaıdy, sportshylar kórermenderge japon jekpe-jeginiń barlyq sulýlyǵyn kórsetedi.
Oıyndar tamyzdyń 28-i jáne 29-ynda ótken sýmo jáne ý-shý jarystarymen ashyldy. Al djıý-djıtsý jekpe-jegi boıynsha medaldar tamyzdyń 29-y jáne 30-ynda oınatylsa, taı boksy boıynsha - tamyzdyń 29-y, 31-i jáne qyrkúıektiń 2-sinde sarapqa salynady. Karateshiler tamyzdyń 31-i jáne qyrkúıektiń 1-inde kúsh synassa, thekvando men kúrestiń jeńimpazdary qyrkúıektiń 1-2-sinde anyqtalady. Oıyn baǵdarlamasyn qyrkúıektiń 3-4-i kúnderi kıkboksıng jarystary qorytyndylaıdy.
Jekpe-jektiń dúnıejúzilik oıyndaryna qazaqstandyq sportshylar da qatysýda. Jarystyń úsh kúniniń qorytyndysy boıynsha Qytaı, Reseı jáne Japonııa komandalary kósh bastap keledi. Qazaqstan 19-shy orynda tur. Bizdiń qorjynda ázirge bir ǵana kúmis medal bar.
Kelesi dúnıejúzilik oıyndar 2013 jyly ótedi.
