Jaýyngerlik sambodan Qazaqstan chempıony mońǵol sportshysymen kúsh synasady
ULANBATYR. QazAqparat - 26 qańtarda Mońǵolııa astanasynda Álı Qabdolla jaýyngerlik sambo sportynan Battór Batbaatarmen kúsh synasady, dep habarlaıdy QazAqparat MONTsAME agenttigine silteme jasap.
Ulanbatyrdaǵy «ASA» tsırkinde Reseı, Qazaqstan, Mońǵolııa jáne Týva Respýblıkasynyń sportshylary kúsh synasatyn «Mongol Fighting Championship» halyqaralyq týrnıri ótedi.
Jurtshylyqtyń nazary 66 keli salmaq dárejesindegi Álı Qabdolla men Battór Batbaatardyń aıqasynda bolmaq.
Aıta keterligi, Álı Qabdolla Qazaqstannyń jaýyngerlik sambodan eki márte chempıony, kásipqoı rıngte eki márte qarsylasyn jeńgen, Battór Batbaatar 5 jekpe-jek ótkizip, sonyń tórteýin ýaqytynan buryn jeńispen aıaqtaǵan.
