Jaýyngerlik paradta otandyq ónimder kórsetiledi - QR QM

ASTANA. 22 sáýir. QazAqparat - «2013 jylǵy 7 mamyr - Otan qorǵaýshylar kúnin merekeleý qurmetine «Otar» 40-shy áskerı bazasynda ótkiziletin Qazaqstan Respýblıkasy Qarýly Kúshteriniń Jaýyngerlik paradynda jańa jáne jetildirilgen áskerı tehnıka men qarý-jaraqtyń, sondaı-aq baılanys quraldarynyń kórsetilimi bolady.

Bul ónimderdiń barlyǵy «Qazaqstan ınjınırıng» Ulttyq kompanııasy» AQ-nyń quramyna kiretin qazaqstandyq qorǵanys ónerkásibi kesheni kásiporyndarynda jasalǵan. Bul týraly QR QM baspasóz qyzmetinen habarlandy.

Atap aıtqanda, olardyń barlyǵy áskerı jáne azamattyq maqsattaǵy arnaıy tehnıkalar. Onyń ishinde shtabtyq, jaýyngerlik, medıtsınalyq, izdestirý-qutqarý mashınalary, túrli stansalar, qar men saz batpaqta júrýge arnalǵan «Tulpar» kóligi, ES-145 tikushaǵy jáne ushaqsyz ushý apparattary bar.

Sonymen qatar, Qazaqstannyń áleýetti qurylymdary úshin óndirilgen túngi kórý quraldary, ártúrli modıfıkatsııadaǵy brondy keýdesheler jáne basqa da derbes qorǵanys quraldary kórsetiledi.

Budan buryn habarlaǵanymyzdaı, Jaýyngerlik paradqa 80-nen astam ushaq pen tikushaq qatysady. Qurlyq áskerleri men Áýe qorǵanysy kúshteriniń áskerı bólimderi zamanaýı qarý-jaraq pen tehnıkanynyń paıdalaný múmkindikterin taktıkalyq jáne tájirıbelik turǵyda kórsetpek. Sonymen birge, Kaspıı akvatorııasyndaǵy Qazaqstan Áskerı-teńiz kúshteri kemeleriniń jaýyngerlik atysy onlaın-rejımde taratylatyn bolady.

Jaýyngerlik paradqa barlyǵy 7 myń áskerı qyzmetshi tartylyp otyr. 2013 jylǵy 7 mamyr saǵat 11.00-de Jaýyngerlik parad respýblıkalyq arnalardyń tikeleı efırinen kórsetiledi.