Jaýynǵa baılanysty Astanada kommýnaldyq qyzmetterdiń jumysy kúsheıtildi
ASTANA. QazAqparat - Astanada jaýyn-shashynǵa baılanysty kommýnaldyq qyzmetter kúsheıtilgen rejımde jumys isteýde, dep habarlaıdy QazAqparat.
«Jańbyrdyń saldarynan keıbir kósheler men úılerdi sý basý qaýipi týyndap otyr. Elorda turǵyndary úılerdiń aýmaǵyna sý jaıylǵan jaǵdaıda aýdan ákimdikterinde jumys isteıtin dıspetcherlik qyzmetterge habarlasa alady»,-dep atap ótilgen qalalyq ákimdiktiń baspasóz qyzmeti taratqan habarlamada.
Osy oraıda «Saryarqa» aýdanynyń ákimdiginde jeke turǵyn úı sektoryn sý basý jaǵdaılary boıynsha ótinimder qabyldaý úshin aýdandyq sý tasqynyna qarsy komıssııanyń tikeleı jelisi táýlik boıy jumys isteıdi: 48-43-92, +7 (771) 996-35-73.
Sonymen qatar, aýdan ákimi apparatyna qońyraý shalýǵa bolady: +7 (701) 226-02-09, +7 (701) 177-59-99.
Munymen qosa, «Almaty» aýdanynyń dıspetcherlik qyzmeti táýlik boıy jumys isteıdi: 48-43-37, +7 (771) 996-35-72. Tótenshe jaǵdaılar boıynsha 49-67-90 nomerine habarlasýǵa bolady.
Budan bólek, «Esil» aýdanynda turǵyn úılerdi sý basqan jaǵdaıda sý tasqynyna qarsy komıssııanyń dıspetcherlik qyzmetine de baılanysqa shyǵý múmkindi bar: 48-43-26, +7 (771) 996-35-72. Sondaı-aq 57-45-31 (qabyldaý bólimi), +7 (701) 712-90-54 nomerlerinde telefon qońyraýlary qabyldanady.
Esil aýdanyndaǵy turǵyn alabtarynyń turǵyndary myna telefondarǵa habarlasa alady: Úrker t.a. 78-06-80;
Ilınka t.a. 8701-355-57-88; Prıgorodnyı, Zarechnyı, Telmana t.a.: 57-45-55 (qabyldaý), +7 (778) 176-31-11;
Sınoptıkterdiń boljamynsha, 16 sáýirde elordada kún bultty, jaýyn-shashyndy bolady. Ońtústik-batystan soltústik-batysqa aýysqan jeldiń jyldamdyǵy 9-14 m/s quraıdy, ekpini 15-20 m/s jetedi. Túnde aýa temperatýrasy +8...+10°S, kúndiz +10...+12°S.
Dúısenbi kúni, 17 sáýirde kóshpeli bult shyǵady, túnde jańbyr jaýady. Ońtústik-batystan, batystan 9-14 m/s jel soǵady, ekpini 15-20 m/s jetedi. Túnde aýa temperatýrasy 0...+2°S, kúndiz +10...+12°S.
