Jaýyn, jel, burshaq- sársenbige arnalǵan aýa raıy
NUR-SULTAN. QazAqparat - «Qazgıdromet» RMK 12 maýsymǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń basym bóliginde naızaǵamen jańbyrly qubylmaly aýa raıy saqtalady. Tek respýblıkanyń batysynda - aýa raıy jaýyn-shashynsyz bolady. Respýblıka boıynsha keı jerlerde naızaǵaı, jeldiń kúsheıýi, daýyl kútiledi, burshaq jaýýy yqtımal.
Almaty, Jambyl oblystarynyń keı jerlerinde daýyl, jeldiń 15-23 m/s kúsheıýi kútiledi, burshaq jaýýy yqtımal.
Aqmola, Soltústik Qazaqstan oblystarynyń keı jerlerinde naızaǵaı, jeldiń 15-20 m/s kúsheıýi, kúndiz keı jerlerinde daýyl turyp, burshaq jaýady.
Shyǵys Qazaqstan oblysynda, kúndiz Túrkistan, Qostanaı, Qaraǵandy oblystarynyń keı jerlerinde jeldiń 15-20 m/s kúsheıýi, túnde jáne tańerteń Qaraǵandy oblysynyń keı jerlerinde tuman kútiledi. Túnde Pavlodar oblysynyń keı jerlerinde tuman bolady.
Batys Qazaqstan, Atyraý, Aqtóbe, Qostanaı, Qaraǵandy Túrkistan oblystarynyń keı jerlerinde joǵary órt qaýipi saqtalady.
