Jaýyn-shashyn, tuman, kóktaıǵaq – senbige arnalǵan aýa raıy boljamy
NUR-SULTAN. QazAqparat – Senbi kúni elimizdiń soltústigi men shyǵysynda jaýyn-shashyn túsedi, kóktaıǵaq bolady, jel kúsheıedi, dep habarlaıdy QazAqparat Qazgıdrometke silteme jasap.
«26 qazanda Qazaqstannyń basym bóliginde antıtsıklon shoǵyrynyń áserinen kún raıy ashyq bolady, tek elimizdiń soltústik jáne shyǵys bólikterinde tsıklon jáne atmosferalyq frontaldi bólikterdiń ótýine baılanysty keı jerlerde jaýyn-shashyn túsedi, kóktaıǵaq bolady, jel kúsheıedi. Keı jerlerinde tuman túsýi yqtımal», delingen habarlamada.
Aqmola, Jambyl, Atyraý, Batys Qazaqstan, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman túsýi múmkin,
Pavlodar, kúndiz Qostanaıda, Soltústik Qazaqstan oblystarynyń keı jerlerinde jel 15-20 m/s kúsheıedi, Soltústik Qazaqstan oblysynyń keı jerlerinde kóktaıǵaq bolýy yqtımal.
Shyǵys Qazaqstan oblysynyń keı jerlerinde jel 15-20 m/s kúsheıedi, joldarda kóktaıǵaq.
