Jaýyn-shashyn, tuman: 18 naýryz kúngi aýa raıy boljamy
NUR-SULTAN. QazAqparat – 18 naýryz kúni Qazaqstannyń basym bóliginde jaýyn-shashyndy bolady. Ońtústiktiń taýly aýdandarynda qatty jaýyn-shashyn (jańbyr, qar) jaýady. Respýblıkanyń tek soltústiginde ashyq kún raıy qalyptasady. El boıynsha jeldiń kúsheıýi, tuman, kóktaıǵaq, jaıaý burqasyn boljanady. Ońtústikte sondaı-aq naızaǵaı kútiledi, dep habarlaıdy QazAqparat.
Jambyl oblysynyń soltústiginde, taýly aýdandarynda tuman kútiledi. Oblystyń shyǵysynda, ońtústik-shyǵysynda, taýly aýdandarda – kóktaıǵaq, ońtústik-batysynda, soltústik-shyǵysynda, taýly aýdandarda - 15-20 m/s jyldamdyqta jel boljanady. Onyń ekpini keıde 23-28 m/s kúsheıedi.
Túrkistan oblysynyń taýly, taý bókterli aýdandarynda tuman, naızaǵaı kútiledi. Oblystyń batysy men soltústiginde, taýly jáne taý bókterli aýdandarynda jel 15-20 m/s kúsheıedi.
Shyǵys Qazaqstan oblysynyń soltústiginde, shyǵysynda tuman bolady. Joldarda kóktaıǵaq kútiledi. Oblystyń ońtústik-batysynda jel 15-20 m/s kúsheıedi.
Qaraǵandy oblysynyń shyǵysynda, ortalyǵynda jaıaý burqasyn boljanady. Kúndiz-jeldiń kúshi 15-20 m/s artady.
Qyzylorda oblysynyń soltústiginde – tuman, ortalyǵynda 15-20 m/s jyldamdyqta jel bolady. Túnde oblystyń ońtústiginde kóktaıǵaq kútiledi.
Aqtóbe oblysynyń shyǵysynda túnde 16 m/s jyldamdyqpen jel soǵady, oblystyń ońtústiginde túnde tuman kútiledi.
Qostanaı oblysynyń ońtústiginde 15-20 m/s jyldamdyqpen jel soǵady, soltústik-shyǵysynda tuman bolady.
Aqmola oblysynyń ońtústik-shyǵysynda 15-20 m/s jyldamdyqpen jel soǵady, túnde jáne tańerteń oblystyń soltústiginde tuman kútiledi. Almaty oblysynyń soltústiginde, taýly aýdandarynda tuman, shyǵysynda jel 15-20 m/s kúsheıedi.
Batys Qazaqstan, Mańǵystaý, Soltústik Qazaqstan, Pavlodar oblystarynyń soltústiginde, túnde Atyraý oblysynyń batysynda tuman bolady.
