Jaýyn-shashyn saldarynan «Uzynaǵash – Besmoınaq» avtojoly jabyldy
Áleýmettik jelide tótenshe jaǵdaıdyń vıdeosy shyqty.
Almaty oblysy TJD-nyń málimetinshe, 21 shilde, saǵat 16:52-de Almaty oblysy TJD kezekshi bólimine Jambyl aýdany, Degeres aýyldyq okrýginiń Qaraarsha aýylynyń eldi mekeninde nóser jaýyn-shashynnyń saldarynan eńis aǵyny bolǵany týraly habarlama tústi. Oqıǵa ornyna Almaty oblysy TJD men Jambyl aýdanynyń jergilikti atqarýshy organdarynan 30 adam jáne 2 birlik tehnıka dereý oqıǵa ornyna jiberiledi.
«Jaýyn-shashynnyń saldarynan jáne taýly ózenderdiń betkeılerinde 36 shaqyrym (Shıen aýyly) jáne 54 shaqyrym (Qaraarsha aýyly) «Uzynaǵash-Besmoınaq» oblystyq mańyzy bar avtokólik jolynda aǵynynyń qalyptasýy nátıjesinde tasqyn sýdyń avtojoldy shaıyp ketkeni anyqtaldy. Qoldanystaǵy jasandy qurylystar (qubyrlar) sý aǵynyna tótep bere almady. Nóserli káriz júıesi jáne jasandy qurylystar (qubyrlar) joq, sol sebepti sý aǵynyn aǵyzý jol tósemi arqyly júredi. Jol boıynda ártúrli fraktsııanyń laılary men tastarynan shógindiler paıda boldy. Nátıjesinde avtojoldyń osy ýchaskelerinde kólik qozǵalysy jabyldy. Sondaı-aq ortasha qysymdy gaz qubyrynyń ýchaskesi (shamamen 70-80 metr) búlinip, Shıen aýylynyń ortalyq kóshesindegi 40-qa jýyq úıdiń aýlasyndaǵy qurylystardy sý basty», - dep habarlady TJD-dan.
Shıen aýylynyń halyq sany – 2 704, Qaraarsha aýylynyń halyq sany – 237 adam. Qazir Uzynaǵash aýylynda ornalasqan QR TJM 28237 áskerı bóliminiń jeke quramnan 30 adam, TJB jáne №4 ÓSB 20 qyzmetkeri jáne tehnıka, sondaı-aq jergilikti atqarýshy organdarynan 20 qyzmetker jáne kómekshi tehnıka oqıǵa ornyna bardy.
Oqıǵa ornynda aýdan ákimi, aýdandyq tótenshe jaǵdaılardyń aldyn alý jáne joıý jónindegi komıssııa tıisti jumystar júrgizip jatyr.
«Uzynaǵash – Besmoınaq» oblystyq mańyzy bar avtokólik jolynyń 54 shaqyrym (Qaraarsha aýyly) jol qozǵalysy qalypqa keltirildi. Jol tóseminde tastar men balshyqtan tazartý, Uzynaǵash-Besmoınaq tas jolynyń qubyrly ótkelin tazalaý, sondaı-aq sý basqan úılerdiń aýlasynda sý aıdaý jumystary júrgizilip jatyr. Tazalaý jáne qalpyna keltirý jumystary kezinde avarııalyq qyzmet qyzmetkerleri 3 eldi mekendi (Suńqar, Qararsha, Besmoınaq) gazben jabdyqtaýdan ajyratty. Qazir «Táýekel gaz» JShS paıdalanýshy uıymy apattyq ýchaskege gaz qubyry jelilerin qalpyna keltirý boıynsha topty jiberdi. Qazirgi kezde sýdyn deńgeıi tómendedi. Qaza tapqandar men zardap shekkender joq», - dep habarlady Almaty oblysy TJD baspasóz qyzmeti.
