Jaýyn, shańdy daýyl, jel – senbige arnalǵan aýa raıy
ASTANA. QazAqparat - «Qazgıdromet» RMK 27 qazanǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty Qazaqstannyń basym aýmaǵynda qubylmaly aýa raıy bolady, jańbyr kútiledi. Tek ońtústik-shyǵys, shyǵys pen qıyr batysta aýa raıy jaýyn-shashynsyz bolady.
Respýblıkanyń keı jerlerinde jel kúsheıedi, ońtústikte shańdy daýyl turady, batysynda tuman kútilýde.
Qostanaı oblysynyń basym bóliginde, Soltústik Qazaqstan, Aqmola, Qaraǵandy oblystarynyń keı jerlerinde jel 15-20 m/s, Soltústik Qazaqstan oblysynda jeldiń ekpini 25 m/s kúsheıedi.
Jambyl oblysynyń keı jerlerinde jel 15-20, kúndiz ekpini 23 m/s. Túrkistan, Qyzylorda oblystarynda tańerteń jáne kúndiz keı jerlerde jel kúshi 15-20, ekpini 23-28 m/s kúsheıip, shańdy daýyl bolady.
Almaty oblysynyń Jalańashkól aýdanynda jel 17-22 m/s. Mańǵystaý, Atyraý, Batys Qazaqstan, Aqtóbe, Pavlodar, Shyǵys Qazaqstan oblystarynyń keı jerlerinde kúndiz jel 15-20 m/s, Atyraý oblysynyń keı jerlerinde tuman kútiledi.
