Jaýyn, kóktaıǵaq, tuman - beısenbige arnalǵan aýa raıy boljamy
NUR-SULTAN. QazAqparat - Qazgıdromet 30 qyrkúıekke arnalǵan aýa raıy boljamyn jarııalaıdy, dep habarlaıdy QazAqparat.
Respýblıkanyń basym bóliginde frontaldy bólikterdiń áserinen jaýyn-shashyn bolady, elimizdiń ońtústiginde jańbyr jaýady. Respýblıkanyń tek batysyna jáne ońtústik-batysyna soltústik antıtsıklon áserin tıgizedi, osyǵan baılanysty jaýyn-shashynsyz aýa raıy kútiledi. Respýblıka boıynsha jel kúsheıedi, ońtústik-shyǵysynda shańdy daýyl, soltústiginde jáne ortalyǵynda tuman, kóktaıǵaq kútiledi, kúndiz shyǵysynda jáne ońtústik – shyǵysynda naızaǵaı bolady.
Jambyl oblysynyń batysynda, ońtústik-batysynda jáne taýly aýdandarynda shańdy daýyl kútiledi, 15-20 m/s jel kúsheıedi, tańerteń jáne kúndiz oblystyń shyǵysynda jáne taýly aýdandarda naızaǵaı baqylanady.
Aqmola oblysynyń soltústiginde jáne ońtústik-shyǵysynda tuman, kóktaıǵaq kútiledi, kúndiz oblystyń soltústik-batysynda jel 15-20 m/s kúsheıedi. Túnde jáne tańerteń Qaraǵandy oblysynyń soltústiginde jáne shyǵysynda tuman, kóktaıǵaq kútiledi, kúndiz shyǵysynda jel 15-20 m/s kúsheıedi.
Kúndiz Shyǵys Qazaqstan oblysynyń soltústik-shyǵysynda naızaǵaı kútiledi, ońtústik – batysynda jel 15-20 m/s kúsheıedi. Qostanaı oblysynyń shyǵysynda jáne ońtústiginde kóktaıǵaq, túnde jáne tańerteń shyǵysynda tuman kútiledi.
Kúndiz Almaty oblysynyń shyǵysynda jáne taýly aýdandarynda, Túrkistan oblysynyń soltústiginde, Qyzylorda oblysynyń ortalyǵynda jel 15-20 m/s kúsheıedi. Túnde jáne tańerteń Soltústik Qazaqstan oblysynyń soltústik-batysynda, Pavlodar oblysynyń ońtústiginde jáne ortalyǵynda tuman kútiledi.
