Jaýyn, qar, jel, tuman – senbige arnalǵan aýa raıy
NUR-SULTAN. QazAqparat - Senbi kúni elimizde jańbyr jaýyp sońy qarǵa ulasady, jel kúesheıdi, tańǵa jaqyn tuman túsýi yqtımal. Keı óńirlerde túnde úsik júredi, dep habarlaıdy QazAqparat Qazgıdrometke silteme jasap.
«29 qyrkúıekte Qara teńizi aımaǵyndaǵy Soltústik tsıklon Qazaqstannyń basym bóligindegi aýa raıyna yqpalyn tıgizedi, soǵan baılanysty qubylmaly aýa raıy saqtalady, keı jerlerde jaýyn-shashyn túsedi (jańbyr, jylbysqy qar), kúndiz ońtústik-shyǵysta nóser jaýady. Elimizdiń keı jerlerińde tuman kútiledi, jel 15-25 m/s kúsheıedi,ońtústikte shańdy daýyl soǵady, ońtústik-shyǵysta burshaq jaýýy yqtımal», delingen habarlamada.
Túrkistan, Jambyl oblystarynyń tańerteń jáne kúndiz keı jerlerinde naızaǵaı kútiledi, jel 15-20 m/s kúsheıedi, Túrkistan oblysynyń keı jerlerinde daýyl, shańdy daýyl kútiledi.
Almaty, Qyzylorda, Shyǵys Qazaqstan oblystarynyń keı jerlerinde naızaǵaı kútiledi, jel 15-23 m/s kúsheıedi, Almaty oblysynda burshaq jaýýy yqtımal.
Aqmola oblysynyń keı jerlerinde tuman, kóktaıǵaq kútiledi, kúndiz jel 15-20 m/s kúsheıedi.
Batys Qazaqstan, Atyraý oblystarynyń keı jerlerinde tuman kútiledi. Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde jel 15-20, Soltústik Qazaqstan oblysynda ekpini 25 m/s, túnde jáne tańerteń tuman kútiledi, Qaraǵandy oblysynyń soltústiginde kóktaıǵaq kútiledi.
Aqmola, Aqtóbe, Batys Qazaqstan, Qostanaı, Soltústik Qazaqstan, Pavlodar, Qaraǵandy oblystarynyń túnde keı jerlerinde túnde mınýs 3 gradýsqa sýytady.
Qyzylorda, Túrkistan oblystarynda, Jambyl oblysynyń batysynda, Karaǵandy oblysynyń ońtústik-shyǵysynda, Batys Qazaqstan oblysynyń ońtústik-shyǵysynda, Shyǵys Qazaqstan oblysynyń soltústiginde óte joǵary órt qaýipi saqtalady.
