Jaýyn, qar, kóktaıǵaq, jaıaý burqasyn – beısenbige arnalǵan aýa raıy boljamy
NUR-SULTAN. QazAqparat – 24 qazanda soltústik óńirlerde jaýyn jaýyp, arty qarǵa ulasady, kóktaıǵaq bolady, jaıaý burqasyn soǵýy yqtımal, dep habarlaıdy QazAqparat Qazgıdrometke silteme jasap.
«24 qazanda Qazaqstannyń basym bóligi keń aýqymdy antıtsıklon áserinen jaýyn-shashynsyz aýa raıy kútiledi, tek batysta, soltústik-batysta jáne soltústikte atmosferalyq aǵyn bólikteriniń ótýine baılanysty qubylmaly aýa raıy kútiledi, keı jerlerinde jaýyn jaýady (arty kóbinese qarǵa aınalady).
Elimizdiń keı jerlerinde jel kúsheıedi, tuman túsedi, soltústik-batysta, soltústikte, soltústikte-shyǵysta kóktaıǵaq kútiledi, soltústikte jáne shyǵysta jaıaý burqasyn soǵýy yqtımal», delingen habarlamada.
Soltústik Qazaqstan oblysynyń keı jerlerinde tuman, kóktaıǵaq, jaıaý burqasyn kútiledi, jel 15-20, kúndiz keı jerlerde ekpini 23-28 m/s kúsheıedi. Aqmola oblysynyń keı jerlerinde tuman, kóktaıǵaq kútiledi, jel 15-20 m/s kúsheıedi.
Pavlodar oblysynyń keı jerlerinde túnde tuman, kóktaıǵaq kútiledi, túnde jel keı jerlerde 15-20 m/s kúsheıedi, kúndiz basym bóliginde 15-20 m/s kúsheıedi.
Almaty oblysynyń keı jerlerinde túnde jáne tańerteń tuman kútiledi, Jalanashkól aýdanynda jel 17-22 m/s kúsheıedi.
Qaraǵandy oblysynyń keı jerlerinde tuman kútiledi, kúndiz jel 15-20 m/s kúsheıedi.
Shyǵys Qazaqstan oblysynyń keı jerlerinde jaıaý burqasyn soǵýy yqtımal, jel 15-20 m/s kúsheıedi.
Qostanaı oblysynda jel 18 m/s kúsheıedi. Jambyl, Atyraý, Batys Qazaqstan oblystarynyń keı jerlerinde tuman túsýi múmkin.
