Jaýyn-burshaq, jel - juma kúnine arnalǵan aýa raıy
NUR-SULTAN. QazAqparat - Sınoptıkterdiń boljaýynsha juma kúni elimizde jel kúsheıip, keı jerlerde jaýyn nemese burshaq jaýady, dep habarlaıdy QazAqparat Qazgıdrometke silteme jasap.
31 mamyrda atmosferalyq aǵyndardyń ótýine baılanysty elimizdiń keı jerlerinde jańbyr jaýady, respýblıkanyń ońtústik-shyǵysynda jáne batysta kún arıy ashyq bolady. Keı óńirlerde kún kúrkireıdi, jel kúsheıip, daýyl kútiledi, burshaq jaýýy yqtımal.
Soltústik Qazaqstan oblysynyń keı jerlerinde daýyl, burshaq kútiledi, túnde keı jerlerinde jel kúsheıedi 15-20 m/s, kúndiz basym bóliginde 15-20 m/s, keı jerlerinde ekpini 25 m/s jetedi.
Shyǵys Qazaqstan oblysynyń keı jerlerinde daýyl kútiledi, jel 15-20 m/s kúsheıedi, kúndiz burshaq jaýýy múmkin.
Pavlodar, Qostanaı, Túrkistan, Aqmola oblystarynyń kúndiz keı jerlerinde jel 15-20 m/s kúsheıedi, Túrkistan oblysynda burshaq jaýýy múmkin.
Almaty oblysynyń Jalańashkól aýdanynda jel 15-20 m/s jetedi. Mańǵystaý oblysynyń kúndiz keı jerlerinde burshaq jaýýy múmkin.
Aqtóbe, Qaraǵandy, Qostanaı, Qyzylorda, Túrkistan, Jambyl oblystarynyń keı jerlerinde joǵary órt qaýipi saqtalady.
