Jaýyn, burshaq, jel – dúısenbige arnalǵan aýa raıy
NUR-SULTAN. QazAqparat – «Qazgıdromet» RMK 22 shildege arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty Qazaqstannyń basym bóliginde turaqsyz aýa raıy saqtalady. Keı jerlerde naızaǵaı jáne jańbyr kútiledi, tek ońtústik-batysta jáne ońtústikte jaýyn-shashynsyz aýa raıy boljanady.
Respýblıkanyń keı jerlerinde jel kúsheıedi, burshaq jaýýy múmkin, soltústikte jáne ortalyqta daýyl kútiledi, ońtústik-batysta shańdy daýyl, soltústik-batysta tuman túsedi.
Aqmola, Soltústik Qazaqstan, Pavlodar, Qostanaı oblystarynyń keı jerlerinde naızaǵaı, daýyl, burshaq kútiledi, jel 15-20 m/s kúsheıedi, Pavlodar oblysynyń keı jerlerinde tuman kútiledi.
Qaraǵandy, kúndiz Batys-Qazaqstan, Atyraý, Shyǵys Qazaqstan oblystarynyń keı jerlerinde naızaǵaı, burshaq jaýyp, jeldiń jyldamdyǵy15-20 m/s jetedi.
Almaty, Jambyl, Qyzylorda, keı jerlerde Túrkistan, Mańǵystaý, Batys Qazaqstan, Aqtóbe, Qaraǵandy oblystarynyń keı jerlerinde qatty ystyq kútiledi.
Qyzylorda, Túrkistan, Aqtóbe, keı jerlerde Jambyl, Almaty, Qaraǵandy, Shyǵys Qazaqstan, Qostanaı oblystarynyń keı jerlerinde óte joǵary órt qaýipi saqtalady.
