Jaýyn, burshaq, shańdy daýyl – jumaǵa arnalǵan aýa raıy
NUR-SULTAN. QazAqparat – Qazgıdromet 9 shildege arnalǵan aýa raıy boljamyn jarııalaıdy, dep habarlaıdy QazAqparat.
Respýblıkanyń basym bóliginde ońtústik tsıklonnyń áserinen qubylmaly aýa raıy saqtalyp, naızaǵaımen jańbyr kútiledi. Batysta, soltústik-batysta qatty jańbyr jaýady. Elimizdiń tek qıyr soltústiginde jaýyn-shashynsyz aýa raıy kútiledi.
Respýblıkanyń keı jerlerinde daýyl, burshaq, jeldiń kúsheıýi kútiledi, ońtústikte jáne batysta shańdy daýyl soǵady.
Aqmola oblysynda jel 15-25 m/s kúsheıedi, keı jerlerde burshaq, daýyl kútiledi.
Qostanaı oblysynyń keı jerlerinde burshaq, daýyl kútiledi, túnde keı jerlerde, kúndiz basym bóliginde jel 15-20 m/s kúsheıedi, kúndiz ekpini 23-28 m/s jetedi. Qyzylorda oblysynda tańerteń jáne kúndiz daýyl, shańdy daýyl soǵyp, túnde keı jerlerde, kúndiz basym bóliginde jel 15-20 m/s kúsheıedi, kúndiz ekpini 25 m/s jetedi.
Atyraý oblysynyń keı jerlerinde shańdy daýyl kútiledi, basym bóliginde jel 15-20 m/s kúsheıedi.
Jambyl, Túrkistan, Aqtóbe, Batys Qazaqstan, Qaraǵandy, Soltústik Qazaqstan, Shyǵys Qazaqstan, kúndiz Pavlodar, Almaty oblystarynyń keı jerlerinde jel 15-25 m/s kúsheıedi, Batys Qazaqstan, Qaraǵandy, Túrkistan, Mańǵystaý oblystarynyń keı jerlerinde burshaq, shańdy daýyl kútiledi.
Kúndiz Almaty, Jambyl, Túrkistan oblystarynda qatty, keı jerlerinde óte qatty ystyq saqtalady. Qaraǵandy oblysynyń ońtústiginde qatty ystyq saqtalady.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Aqtóbe, Qostanaı, Qaraǵandy, Batys Qazaqstan, Aqmola, Almaty oblystarynyń keı jerlerinde órt qaýpi joǵarlaıdy.
