Jáýtikov atyndaǵy HH halyqaralyq olımpıadaǵa 600-ge jýyq oqýshy qatysady

8-13 qańtar aralyǵynda Almaty qalasynda Jáýtikov atyndaǵy HH halyqaralyq olımpıada ótedi, dep habarlaıdy Kazinform.

Oqý-aǵartý mınıstrligi taratqan aqparatqa sáıkes, oǵan Qazaqstan, Ázerbaıjan, Armenııa, Belarýs, Reseı, Qyrǵyz Respýblıkasy, Ózbekstan, Bolgarııa, Tájikstan, Mońǵolııa, Grýzııa, Serbııa, Úndistan jáne Rýmynııa syndy álemniń 14 elinen 55 komanda, 600-ge jýyq oqýshy qatysady. 

Olımpıadanyń maqsaty – daryndy oqýshylardy anyqtaý, olardy ıntellektýaldyq turǵyda odan ári damytý jáne kásibı baǵdarlaý úshin jaǵdaı jasaý, oqýshylar arasynda fızıka, matematıka jáne IT bilimderin taratý jáne nasıhattaý, sondaı-aq basqa elderdiń fızıka-matematıkalyq mektepterimen halyqaralyq yntymaqtastyqty damytý. 

«Úsh jyl boıy onlaın formatta ótkizilgen olımpıada bıyl offlaın formatta uıymdastyrylady. Jáýtikov atyndaǵy HH halyqaralyq olımpıadanyń ashylý jáne jabylý saltanaty osy jyldyń 8 jáne 13 qańtarynda Almaty Theatre-de ótedi», - delingen habarlamada.