Jaýyngerlik óner túrlerinen Azııa oıyndary 2027 jylǵa shegerildi
ASTANA. KAZINFORM — Azııa Olımpıadalyq keńesi (AOK) 2026 jyly Saýd Arabııasynyń Er-Rııad qalasynda ótýi tıis bolǵan jaýyngerlik óner túrlerinen jabyq ǵımarattaǵy VI Azııa oıyndarynyń keıinge shegerilgenin resmı túrde jarııalady. Bul týraly UOK málim etti.
AOK pen Oıyndardy uıymdastyrý komıtetiniń birlesken málimdemesine sáıkes, jarystar 2027 jyly 28 naýryz ben 8 sáýir aralyǵynda ótedi. Jańa merzim jergilikti uıymdastyrý komıtetimen, Ulttyq Olımpıadalyq komıtettermen jáne seriktestermen aqyldasa otyryp bekitildi. Oıyndardy keıinge shegerý jarystar kestesin retteýge jáne múmkindiginshe kóp eldiń qatysýyna múmkindik beredi.
Túpkilikti sheshim uıymdastyrý jáne logıstıka máseleleri qaıta qaralǵannan keıin qabyldandy. Aldaǵy jarysqa 45 elden 4500-den astam sportshy qatysady dep kútiledi.
Jaýyngerlik óner túrlerinen jabyq ǵımaratta ótetin VI Azııa oıyndary Saýd Arabııasynda Azııa Olımpıadalyq keńesiniń aıasynda uıymdastyrylatyn alǵashqy mýltısporttyq doda bolmaq. Oıyndardy ótkizýge qatysty qosymsha aqparatty uıymdastyrýshylar keıinirek jarııalaıdy.
