Qaıta jaýyngerlik daıarlyqtan ótetin 3 myń adam qaı bólimshelerge jiberiledi
ASTANA. KAZINFORM – Qorǵanys mınıstrligi 2024 jyly áskerı oqý-jattyǵýǵa shaqyrylatyn 3 myń azamattyń qaı bólimshelerge jiberiletinin túsindirdi.
«Jattyǵý 2024 jyldyń jazynda 30 kún boıy motoatqyshtar, tanki, artıllerııalyq bólimshelerde, sondaı-aq jaýyngerlik ári tehnıkalyq qamtamasyz etý bólimshelerinde ótedi», - delingen mınıstrliktiń Kazinform agenttiginiń saýalyna bergen jaýabynda.
Bul rette, atalǵan is-qımyldar arqyly áskerlerdiń jekelegen túrlerin kúsheıtý eskerilmegen.
«Birinshiden, biz aldymyzǵa jumyldyrý rezervin daıyndaýdy maqsat etip qoıdyq», - dep atalyp ótken vedomstvo aqparatynda.
Buǵan deıin QR Qorǵanys mınıstrligi 3 myń áskerı mindetti adamdy áskerı jıyndarǵa tartý sebebin túsindirdi.
Sonymen qatar, vedomstvo 2024 jyly áskerı jıyndarda bir adamǵa jumsalatyn qarajat somasy jaıynda túsinik berdi.
«Áskerı mindettilerdi jaýyngerlik daıyndyqtan ótkizýge 3000 adamdy shaqyrý josparlanǵan. 2024 jyly osy mindetti óteıtin bir adamǵa 500 000 teńgege jýyq qarjy qarastyrylǵan», - dep atalyp ótken vedomstvo aqparatynda.
