Jaýyngerlik daıyndyq: Qorǵanys mınıstrligi mańyzdy málimdeme jasady
ASTANA. KAZINFORM – Jańa oqý jylynyń bastalýyna baılanysty jeltoqsan aıynyń alǵashqy kúnderinde Qarýly Kúshterdiń barlyq bólimi oqý dabyly boıynsha joǵary deńgeıdegi jaýyngerlik daıyndyqqa keltiriledi. Bul týraly Qorǵanys mınıstrligi habarlady.
Osydan keıin bólimder oqý polıgondary men oqý ortalyqtaryna josparly marshtar jasaıdy. Jekelegen bólimsheler keshendi jaýyngerlik daıyndyq sabaqtary ótetin oryndarǵa áýe, temirjol jáne avtokólik kóligimen jetkiziledi.
Mınıstrlik atalǵan kezeńde qaýipsizdikti qamtamasyz etý maqsatynda óńirlerdegi joldardyń keıbir ýchaskelerinde kólik qozǵalysy ýaqytsha shektelýi múmkin ekenin eskertti.
- Azamattar men buqaralyq aqparat quraldarynyń ókilderinen tek resmı aqparat kózderine súıenip, tekserilmegen málimetterdi taratpaýǵa shaqyramyz, - delingen habarlamada.
Aıta keteıik, Qazaqstanda sýda júzetin ámbebap jaýyngerlik kólik qurastyrylatyn boldy.