19:05, 23 Qyrkúıek 2025 | GMT +5
Jaýyn-shashyn saldarynan Almatydaǵy kólik keptelis 10 balǵa jetti
ALMATY. KAZINFORM — Almaty jaýyn-shashyn saldarynan kólik keptelisi kúsheıdi.
2GIS kartasynyń málimetine sáıkes, Almatydaǵy kólik keptelisi 10 balǵa jetti. Qazir qalanyń negizgi kósheleriniń bári qyzyl túspen belgilengen.
«Qazgıdromet» málimetine sáıkes, 23 qyrkúıek kúni tańǵy saǵat 5-ten bastalǵan jaýyn-shashyn 24 qyrkúıek tańǵa deıin toqtamaıdy. Qala boıynsha kommýnaldyq jáne jedel qyzmetter kúsheıtilgen rejımde jumys istep jatyr. Atap aıtqanda, «Almaty tazalyq» mekemesi men merdiger uıymdardyń 123 arnaıy tehnıkasy, 74 motopompa, 20 assenızator kóligi, sondaı-aq 75 jedel brıgada tartyldy. Olardyń quramynda 425 jumysshy bar.
Eske salaıyq, buǵan deıin Almatyda úsh baǵytta metronyń 23 beketi salynatynyn jazǵanbyz.