Jaýyn-shashyn, kóktaıǵaq: aldaǵy úsh kúnge arnalǵan aýa raıy boljamy

ASTANA. KAZINFORM — «Qazgıdromet» RMQ aldaǵy úsh kúnge arnalǵan aýa raıy boljamyn jarııalady. 

— Aldaǵy kúnderi ońtústik tsıklon QR basym bóliginde aýa raıyn anyqtaıtyn bolady. Jańbyr men qar túrinde jaýyn-shashyn bolady, 25-26 aqpan kúnderi ońtústikte, 26-27 aqpanda túnde ońtústik-shyǵys aımaqtarda qatty jaýyn-shashyn (jańbyr, qar), taýly aımaqtarda qar túrinde bolady. Jaýyn-shashyn jeldiń kúsheıýimen, tómen qarly boranmen jáne kóktaıǵaqpen birge júredi, — delingen habarlamada.

QR boıynsha tuman bolady dep boljanǵan. Túngi ýaqytta aýa temperatýrasynyń soltústikte, soltústik-batysta, eldiń ortalyǵynda 8-18 aıazǵa deıin, ońtústikte, ońtústik-shyǵysta 5-12 aıazǵa deıin, shyǵysta 15-20-ǵa deıin, aımaqtyń ońtústiginde 5 aıazǵa deıin tómendeýi kútiledi. 

Eske sala keteıik, buǵan deıin aýa raıyna baılanysty birneshe respýblıkalyq avtojol jabylǵanyn jazǵan edik.