Jaýyn-shashyn, burqasyn, kóktaıǵaq: Sınoptıkter búgingi aýa raıy boljamyn usyndy

ASTANA. KAZINFORM - «Qazgıdromet» RMK Qazaqstan qalalaryndaǵy aýa sapasyna boljamyn jarııalady.

Qazaqstannyń kóp bóliginde tsıklon men atmosferalyq frontaldy bólimderdiń áserinen jaýyn-shashyn, burqasyn, kóktaıǵaq kútiledi, ońtústikte, ońtústik-shyǵysta jańbyr túrinde, keı ýaqyttarda qatty jańbyr, soltústik bólekterinde qar, keı ýaqyttarda qattyr qar jaýady. Elimizdiń ońtústiginde, ońtústik-shyǵysynda naızaǵaı kútiledi.

Tek elimizdiń batysynda jaýyn-shashynsyz aýa raıy saqtalady. El aýmaǵynda jel kúsheıedi, túngi jáne tańerteńgi saǵattarda tuman bolady.

«Pavlodar oblysynda, Abaı, Shyǵys Qazaqstan oblystarynyń batysynda, ortalyǵynda, soltústiginde, ońtústiginde, Qaraǵandy oblysynyń ońtústiginde, shyǵysynda, Ulytaý oblysynyń ońtústiginde, Aqtóbe oblysynyń soltústiginde, Batys Qazaqstan soltústik-shyǵysynda, Jambyl oblysynyń soltústik-shyǵysynda, Qyzylorda oblysynyń batysynda joǵary órt qaýpi saqtalady», — dep jazdy sınoptıkter.

Qyzylorda oblysynyń soltústiginde, ortalyǵynda, Aqtóbe oblysynyń batysynda, Batys Qazaqstan oblysynyń ortalyǵynda, Túrkistan oblysynyń shóldi aýdandarynda, Atyraý oblysynyń batysynda, soltústiginde, Jambyl oblysynyń soltústik-batysynda, Qostanaı oblysynyń ońtústiginde, Jetisý oblysynyń batysynda, soltústiginde, ortalyǵynda, Almaty oblysynyń batysynda, soltústiginde tótenshe órt qaýpi bar.