Jaýyn, burshaq, naızaǵaı: 6 sáýirge arnalǵan aýa raıy boljamy jarııalandy

ASTANA. KAZINFORM — «Qazgıdromet» RMK baspasóz qyzmeti 6 sáýirge arnalǵan aýa raıy boljamyn usyndy.

Sınoptıkter boljamynsha, Qazaqstan aýmaǵynyń basym bóliginde atmosferalyq frontaldy bólimderdiń ótýine baılanysty turaqsyz aýa raıy saqtalyp, jańbyr jaýyp, naızaǵaı oınaıdy.

— Eldiń batysynda, taýly aýdandarynda qatty jańbyr jaýyp, shyǵysynda, ońtústik-shyǵystyń taýly aýdandarynda jaýyn-shashyn (jańbyr, qar) bolady. Tek respýblıkanyń ortalyǵynda jaýyn-shashynsyz kún raıy saqtalady. Qazaqstannyń basym bóliginde jel kúsheıedi. Elimizdiń ońtústiginde shańdy daýyl kóteriledi, ońtústik-batysynda burshaq jaýady, shyǵysynda túnde kóktaıǵaq kútiledi. Sonymen qatar soltústiginde, shyǵysynda, ońtústik-shyǵysynda, ortalyǵynda tuman túsedi, — delingen habarlamada.

Osydan buryn SQO-da sınoptıkter kóktem men jaz mezgiline arnalǵan aýa raıy boljamyn jasaǵanyn jazǵan edik.