Jaýapty hatshylardyń mártebesin kóterý kerek - Senattaǵy talqylaý
ASTANA. Mamyrdyń 27-si. QazAqparat /Rýslan Ǵabbasov/ - Jaýapty hatshylardyń mártebesin kóterý kerek degen pikirmen kelisemin. Bul týraly búgin Parlament Senatynyń depýtattarymen kezdesý barysynda jaýapty hatshy mindetine qatysty qoıylǵan saýalǵa jaýap berý kezinde Ekonomıkalyq damý jáne saýda mınıstri Janar Aıtjanova aıtty,
dep habarlaıdy QazAqparat.
«Jaýapty hatshynyń negizgi mindetteri mınıstrliktiń ákimshilik, qarjylyq, apparat jumysyn qadaǵalaý jáne atqarý»,-dedi J. Aıtjanova.
Onyń sózine qaraǵanda, sheteldegi qurylymda jaýapty hatshy mınıstrden keıingi ekinshi adam. Mınıstr joq bolǵan kezderde kelissózder jaýapty hatshymen júrgiziledi. «Onda mınıstrlerdiń barlyǵy saıası adamdar. Olar partııamen kelip, partııamen ketedi. Al jaýapty hatshydan bastap qalǵandary apparattyń adamdary. Olar mınıstrliktiń salasyn biletin qyzmetkerler. Atap aıtqanda vedomstvoda jaýapty hatshydan bastap salany meńgergen adamdar bekitiledi»,-dedi mınıstr.
«Máselen, men bizdiń vedomstvoǵa mınıstr retinde keldim. Mınıstrliktiń barlyq apparaty sol kúıinde saqtalyp qaldy. Tek qana burynǵy saýda mınıstrliginen 2 dapartament men 1 komıtet qosyldy»,-dedi J. Aıtjanova.
Vedomstvo basshysynyń pikirinshe, jaýapty hatshynyń deńgeıin kóterý kerek. Olar tek apparattyń jumysyn ǵana emes, sonymen birge sol salanyń jumysyn júrgizýi tıis. ıAǵnı, mınıstrler saıası qyzmetkerler bolǵandyqtan, jaýapty hatshylar tıisti sharalardy artqarýy tıis. «Degenmen de elimizdiń mınıstrleri ózderiniń salasyn jaqsy meńgergen adamdar. Sondyqtan buny bizdiń júıeniń basymdyǵy dep sanaımyn»,-dep atap ótti J. Aıtjanova.
Aıta keteıik, búginde elimiz mınıstrlikteriniń árqaısysynda jaýapty hatshy bekitilgen.
