Jaýapsyzdyq jalǵasa berse, aýrýhana da, dáriger de jetispeýi múmkin - Sáýle Qısyqova
NUR-SULTAN. QazAqparat –Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova koronavırýs ınfektsııasyna baılanysty turǵyndardy jaýapkershilik tanytýǵa shaqyrdy, dep habarlaıdy QazAqparat tilshisi.
«Eger de, qala turǵyndary qazirgideı jaýapsyz, nemquraıdy júrse, onda olardyń barlyǵyna aýrýhanalardaǵy dárigerler men oryndar jetkiliksiz bolady. Sáıkesinshe, turǵyndarǵa medıtsınalyq kómek der kezinde kórsetilmeýi múmkin. Usynylǵan sanıtarlyq normalardy oryndamasańyzdar, óte kúrdeli ári aýyr jaǵdaı oryn alýy yqtımal», - dedi S. Qısyqova Ortalyq kommýnıkatsııalar qyzmetinde.
Osy oraıda ol qala turǵyndarynyń kóbisi koronavırýs ınfektsııasymen baılanysty kúrdeli jaǵdaıdy elemeı júrgenin atap ótti.
«Sizderdiń nemquraıdy áreketterińiz dárigerler men medıtsınalyq uıymdardyń tapshylyǵyna alyp kelýi múmkin. Munyń saldary Italııadaǵy jaǵdaıdyń qaıtalanýyna ákep soqtyrady. Turǵyndardyń densaýlyǵy birinshi kezekti ózderiniń áreketine baılanysty», - dedi Sáýle Qısyqova.
