Jaýapsyz merdigerlerdiń kesirinen áleýmettik nysandar qurylysy kesheýildep jatyr - Saǵyntaev
ALMATY. QazAqparat - Almaty qalasynyń ákimi Baqytjan Saǵyntaev ««Nur Otan» partııasynyń qoǵamdyq qabyldaýynda azamattardy qabyldady, dep habarlaıdy QazAqparat tilshisi.
«Nur Otan» partııasynyń qoǵamdyq qabyldaýyndaǵy azamattardy kezekti qabyldaý kóptegen ótinishterdiń uzaq qaralatynyn, saldarynan turǵyndardyń jyldap tabanyna taýsylatynyn kórsetti. Aýdan ákimderi men basqarma basshylary ótinishterdi sapaly zerttep, qalalyqtarǵa olardyń sheshimin tabýyna kómektesýi tıis. Osy jumystar boıynsha memlekettik organdar jáne bastaýysh partııa uıymdarynyń qyzmetterin baǵalaımyn»,–dep jazdy qala ákimi óziniń Instagram paraqshasynda.
Baqytjan Saǵyntaevtyń aıtýynsha, azamattardy qabyldaǵan soń qalalyq fılıaldyń apparattyq jıyny ótken. Partııalyq baqylaýy ınjenerlik ınfraqurylym obektileriniń, kommýnıkatsııalardyń joldar men áleýmettik obektiler qurylystarynyń kesteden tys qalýy jumysshy qoly men tehnıka jetispeıtin merdigerlerdiń jaýapsyzdyǵy saldarynan bolatynyn kórsetti.
«Partııa merdigerlerdiń jumysyn kúndelikti baqylaıdy. «Bastaýyshtardyń» jumysyn kúsheıtý úshin trenıngter ótkizemiz jáne aqparattyq jumysty kúsheıtemiz, olar joq jerlerde bastaýysh partııa uıymdaryn quramyn»,– dep qosty ol.
