Jaýapkershilikti tereń sezinip, halyqqa adal qyzmet etý kerek

ASTANA. KAZINFORM - Memleket basshysy máslıhat depýtattarynyń aıryqsha senim mandaty ıesi ekenin eske saldy.

«Turǵyndar sizderdi jaqsy biledi. Oı-pikirin ózderińizge tikeleı jetkizedi. Máselesin sheshýge kómektesedi dep úmit artady. Osy jaýapkershilikti tereń sezinip, halyqqa adal qyzmet etý kerek. Álemdegi ahýaldy kórip otyrsyzdar. Eń bastysy, elimiz tynysh, jurtymyz aman. Árıne, túrli qıyndyqtar kezdesýi múmkin. Biraq tatýlyq pen kelisim bolsa, biz onyń bárin mindetti túrde eńseremiz», — dedi Prezıdent Qasym-Jomart Toqaev.

Ol ashyq aspan astyndaǵy beıbit ómir — eń basty baılyq ekenin aıtty.

«Men qasterli Otanymyzdyń bolashaǵy jarqyn ekenine kámil senemin. Túptep kelgende, bárimizdiń maqsatymyz, múddemiz — bir. Bul — Ádiletti Qazaqstandy quryp, halyqtyń ál-aýqatyn arttyrý. Osy mindetti abyroımen atqarasyzdar dep oılaımyn. Depýtattar forýmy keleshekte dástúrge aınalyp, turaqty túrde ótkizilýi kerek", - degendi qosty Memleket basshysy.