Jaýapkershilikten jurdaı blogerler búgingi kúnniń batyryna aınaldy - Prezıdent
«Zań men tártip – ishki turaqtylyqtyń birden-bir kepili. Onsyz qoǵamnyń damýy múmkin emes. Sondyqtan, bul qaǵıda bizdiń eń basty baǵdarymyz bolýǵa tıis. Jalpy, otbasyn asyraý úshin tabandy eńbek etip júrgen, zańǵa baǵynatyn adamdar qurmetke ıe bolýy kerek. Ókinishke qaraı, bizde kóshe buzaqylary, jaýapkershilikten jurdaı blogerler jáne masyldyq pıǵylmen aıqaı shyǵaratyn adamdar búgingi kúnniń batyryna aınaldy. Depýtattar men atqarýshy bılik ókilderi solarǵa ǵana basa mán beretin boldy. Túrli deńgeıdegi sheneýnikter solardyń ǵana talabyn oryndaýǵa júgiredi», - dedi Qasym-Jomart Toqaev.
Osy oraıda Prezıdent ortalyqtaǵy jáne aımaqtardaǵy bılik barlyq azamattyń muń-muqtajyna birdeı qaraýy tıis ekenin qadap aıtty.
«Halyq únine qulaq asatyn memlekettiń» kómegine senip otyrǵan, zańǵa baǵynatyn qarapaıym jurt nazardan tys qalmaýy kerek. Elimizde sheshimin tappaǵan túıtkilder kóp», - dedi Memleket basshysy.