Jaýapkershilikke tartylýdan qashpaımyz – Zúlfııa Súleımenova Abaı oblysyndaǵy órt jaıly

ASTANA. QazAqparat – Úkimet otyrysynan keıin BAQ ókilderiniń saýalyna jaýap bergen Ekologııa jáne tabıǵı resýrstar mınıstri Zúlfııa Súleımenova óziniń otstavkasyna qatysty pikir bildirdi, dep habarlaıdy QazAqparat tilshisi.

«Qazirgi tańda Bas Prokýratýra tergeý amaldaryn júrgizip jatyr. Eger onyń barysynda jumysyma qatysty saýaldar týyndaıtyn bolsa, onda ol úshin biz jaýapkershilikke tartylýdan esh qashpaımyz», - dep pikir bildirdi Zúlfııa Súleımenova.

Sonymen qosa vedomstvo basshysy Semeı ormanyndaǵy órtti jedel aýyzdyqtaýǵa kedergi bolǵan jaǵdaılarǵa da toqtaldy.

«Abaı oblysyndaǵy órt oqıǵasyna materıaldyq-tehnıkalyq bazanyń tómendigi de áser etti. Qazir qoldanystaǵy eski tehnıkalardy esepten shyǵarý qajet», - dep jaýap berdi mınıstr BAQ ókilderiniń saýalyna oraı.