Jaýapkershilik júgi aýyr bolsa da esh qaımyqpaımyn - Toqaev

NUR-SULTAN. QazAqparat – Men úshin eń basty qundylyq - Qazaqstannyń táýelsizdigi. QR Prezıdenti Qasym-Jomart Toqaev osylaı aıtty, dep habarlaıdy QazAqparat tilshisi.

«Men úshin eń basty qundylyq - Qazaqstannyń táýelsizdigi. Memleket basshysy retinde elimizdiń qaýipsizdigi men halqymyzdyń amandyǵyn qamtamasyz etý úshin qoldan kelgenniń bárin jasaımyn. Jaýapkershilik júgi qanshama aýyr bolsa da odan esh qaımyqpaımyn», - dedi Memleket basshysy «Amanat» partııasynyń kezekten tys sezinde.

QR Prezıdenti búgin partııanyń baǵyt-baǵdary aıqyndalǵanyn atap ótti.

«Endi bilek sybana jumys jasaýymyz kerek. Halyq naqty ózgeristerdi kútip otyr. Partııa atyna zaty saı bolýy tıis. El birligin nyǵaıtyp, Jańa Qazaqstandy qurý - bárimizge ortaq mindet», - dedi Qasym-Jomart Toqaev.