«Jaý júrek myń bala» Kann festıvalinde synnan sátti ótti
ASTANA. 27 mamyr. QazAqparat - Búgin Kannda 65-shi mereıtoılyq kınofestıval óz máresine jetedi. Dál osy kúni «Zolotaıa palmovaıa vetv» bas júldesin tabys etýdiń saltanatty sharasy ótedi.
Osy mártebeli halyqaralyq baıqaý aıasynda sátti kórsetilgen qazaqstandyq «Jaýjúrek myń bala» fılminiń álemdik prokatqa shyǵaratyn agenti belgili boldy. Sheteldik sarapshylar osyndaı sapaly óner týyndysyn túsirgen qazaqstandyq kınematograftardyń budan da joǵary jetistikterge jetýge múmkinshilikteri jetkilikti degen baǵa berdi.
