Jattyqtyrýshylar men tóreshilerdiń qyzmetin lıtsenzııalaý engizile me
«Jattyqtyrýshylar men sport tóreshileri óz biliktiligin jattyqtyrýshylar men sport tóreshilerine attestattaý júrgizý qaǵıdasyna sáıkes rastaıdy. Zańǵa sáıkes jattyqtyrýshylar men sport tóreshilerin attestattaýdy respýblıkalyq jáne óńirlik sport túrleri boıynsha akkredıttelgen sport federatsııalary júrgizedi. Osyǵan oraı jattyqtyrýshylar men tóreshilerdiń qyzmetin lıtsenzııalaý qajet emes dep oılaımyz», - dep atap ótedi Úkimet basshysy jaýabynda.
Onyń atap ótýinshe, salaýatty ómir saltyn dáripteý jáne buqaralyq sportty damytý - «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasynyń negizgi maqsattarynyń biri.
2019-2021 jyldary elimizde dene shynyqtyrýmen jáne sportpen aınalysatyn azamattardyń úlesi 30,6 paıyzdan 34,2 paıyzǵa ósse, 2025 jylǵa deıin bul kórsetkishti 50 paıyzǵa deıin jetkizý kózdelgen.
