Jattyǵý jalǵasady: Dýman qonaqúıindegi gımnastıka zaly jazǵa deıin isteıdi

ASTANA. KAZINFORM — Týrızm jáne sport mınıstrligi Astana qalasy №1 BJMORSM tárbıelenýshileriniń (kórkem gımnastıka bólimi) «Dýman» qonaqúı kesheniniń zalynda jattyǵýyna qatysty máselege túsinikteme berdi. 

— Qazirgi ýaqytta Otbasy bank sportshylarǵa atalǵan zaldy 2026 jylǵy 1 maýsymǵa deıin paıdalanýǵa uzartty. Bul oqý-jattyǵý jumysyn turaqty jalǵastyrýǵa múmkindik berdi. Astana qalasy ákimdiginiń Dene shynyqtyrý jáne sport basqarmasynyń málimetine sáıkes, 1 maýsymnan bastap jyl sońyna deıin «Saryarqa» velotreginiń sport zalyn jalǵa alý múmkindigi qarastyrylyp jatyr, — delingen habarlamada.

Qala ákimdiginiń aqparatyna sáıkes, Jangeldın kóshesi, 9a mekenjaıynda ornalasqan «Jeńis» sport kesheninde kórkem gımnastıka zalyna arnalǵan arnaıy qosymsha qurylys jumystary júrgizilip jatyr.

Joba aıasynda kólemi 14×14 metr, bıiktigi 14 metr bolatyn eki tuǵyr qarastyrylǵan. Nysandy bıyl jyl sońyna deıin paıdalanýǵa berý josparlanyp otyr.

— Týrızm jáne sport mınıstrligi úshin sportshylardyń turaqty daıyndyq jaǵdaıyn qamtamasyz etý — negizgi basymdyqtardyń biri. Eger balamaly alań anyqtalmasa, qoldanystaǵy zaldy odan ári paıdalaný máselesi balalardyń múddesin eskere otyryp, qaıta qaralady. Bul týraly qosymsha aqparat BAQ arqyly habarlanady. Jaǵdaı mınıstrliktiń baqylaýynda, — delingen mınıstrlik habarlamasynda.

Eske salsaq  nelikten Otbasy bank Astanadaǵy «Dýman» qonaqúıin satyp alǵany týraly jazǵan edik.