Jatyr obyry: 114,4 myńnan astam qyz papılloma vırýsyna qarsy ekpe aldy

ASTANA. KAZINFORM –  Qazaqstanda byltyrdan beri 11 jasqa tolǵan qyzdar jatyr moıny obyrynyń negizgi qozdyrǵyshy – adam papılloma vırýsyna (APV) qarsy vaktsına alyp jatyr.

- Biz Dúnıejúzilik densaýlyq saqtaý uıymynyń juqpaly aýrýlarǵa qarsy tıimdi vaktsınalar tizimin keńeıtý strategııasyn qoldaımyz. Byltyr onkologııalyq aýrýlarmen kúres jónindegi 2023-2025 jyldarǵa arnalǵan keshendi josparǵa sáıkes qyzdardy adam papılloma vırýsyna qarsy vaktsınatsııalaý engizildi, - dedi Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraǵasy Sarhat Beısenova ortalyq kommýnıkatsııalar qyzmeti alańynda ótken baspasóz máslıhatynda.

Aıta ketsek, byltyr qyrkúıekten beri elimizde 11 jasqa tolǵan qyzdardy jatyr moıny obyrynyń negizgi qozdyrǵyshy – adam papılloma vırýsyna (APV) qarsy qyzdardy vaktsınalaý bastaldy.

- Búginde 114,4 myńnan astam qyz bala adam papılloma vırýsyna (APV) qarsy ekpe aldy. Onyń ishinde 11 jastaǵy 64,1 myń, 12-13 jastaǵy 50,3 myń qyz bar. Ekpeniń keri áseri baıqalmady, - deıdi ol.

Aıta ketsek, elimizde adam papılloma vırýsyna qarsy vaktsınanyń densaýlyqqa áseri zerttelip jatqany týraly habarlaǵan edik.