Jataqhanadan berilgen bólmede stýdenttiń naqty turatyny nemese turmaıtyny tekseriledi

ASTANA. QazAqparat – Endi kolledj jataqhanalaryndaǵy oryndarǵa monıtorıng júrgizilmek. Bul týraly Ashyq NQA portalynda jarııalanǵan Oqý-aǵartý mınıstriniń buıryq-jobasynda jazylǵan, dep habarlaıdy QazAqparat tilshisi.

«Operator jataqhanadaǵy tehnıkalyq jáne kásiptik, orta bilimnen keıingi bilim berý uıymdarynyń stýdentteri naqty qamtylǵan oryndarǵa monıtorıng jasaıdy», - delingen buıryq-jobasynda.

Málim bolǵandaı, bul jataqhanadaǵy oryn tapshylyǵyn qoldan jasaýdyń aldyn alý maqsatynda engizilip otyr. ıAǵnı, qandaı da bir stýdentke qaǵaz negizinde berilgen bólmede is júzinde eshkim turmaýy múmkin. Sondyqtan oryndarǵa únemi monıtorıng júrgiziledi. Ol úshin qajetti aqparat jataqhanadaǵy týrnıketter júıesinen jáne bilim alýshyǵa qońyraý shalý arqyly alynady.

«Tehnıkalyq jáne kásiptik, orta bilimnen keıingi bilim berý uıymdarynyń stýdentteriniń tıisti jataqhanada turýy týraly málimetterdi alý bóliginde adamdardyń tıisti jataqhanaǵa erkin ótýin (kirýin nemese shyǵýyn) shekteıtin qurylǵymen ıntegratsııalanǵan, operatorǵa tıesili «StudDom» aqparattyq júıesinen málimetter alý jolymen júzege asyrady. Operator «StudDom» aqparattyq júıesinde mundaı málimetter bolmaǵan jaǵdaıda jataqhanada turatyn tehnıkalyq jáne kásiptik, orta bilimnen keıingi bilim berý uıymdarynyń stýdentterine qońyraý shalady», - dep jazylǵan qujatta.

Buıryq-jobasy 23 maýsymǵa deıin kópshilik talqylaýda bolady.