Jataqhanadaǵy kórshisin pyshaqtap óltirgen astanalyq stýdent sottaldy
ASTANA. QazAqparat - Astanada eki stýdent arasynda ýnıversıtet jataqhanasynyń sanıtarlyq bólmesin tazartýǵa qatysty kelispeýshilik týyndap, onyń sońy ólimmen aıaqtaldy. Almaty aýdandyq sotynda atalmysh is boıynsha úkim shyǵaryldy, dep habarlaıdy QazAqparat qalalyq sottyń baspasóz qyzmetine silteme jasap.
Anyqtalǵandaı, oqıǵa 2016 jyldyń 19 mamyry kúni bolǵan. Stýdentter ózderi turatyn jataqhanadaǵy ájethanany tazartýǵa qatysty kelispeı qalǵan.
«Azamat A. qasaqana pıǵylmen K.-nyń densaýlyǵyna zııan keltirý maqsatta asúı pyshaǵymen oǵan birneshe ret pyshaq suqqan. Astana qalasy Almaty aýdandyq №2 sotynyń úkimimen azamat A. QR Qylmystyq kodeksiniń 106-baby 1-bóligi boıynsha kináli dep tanyldy. Oǵan 4 jylǵa bas bostandyǵyn shekteý túrindegi jaza taǵaıyndaldy», - dep habarlandy sottan.
