Jataqhanada qalǵan stýdentter azyq-túlikpen qamtamasyz etildi - BǴM

NUR-SULTAN. QazAqparat – Qazaqstandyq joǵary oqý oryndarynyń ákimshilikteri stýdentterdi azyq-túlikpen jáne birinshi qajettiliktegi taýarlarmen qamtamasyz etedi, dep habarlaıdy Bilim mınıstrliginiń baspasóz qyzmeti.

Aıta keteıik, qazirgi ýaqytta stýdentter qysqy demalysta.

Jalpy, búkil el boıynsha joǵary oqý oryndarynyń jataqhanalarynda qalǵan stýdentter sany kóp emes. Atap aıtqanda, onda stýdentterdiń jalpy sanynyń 4%-y nemese 6 myńǵa jýyq stýdent qalǵan. Negizinen, olar – sheteldikter jáne shalǵaı aımaqtardan kelgen stýdentter.

Osy kúnderi JOO-lar basshylyǵy qaýipsizdikti qamtamasyz etý úshin keshendi sharalardy júzege asyrdy. Sondaı-aq, jataqhanada qalǵan stýdentter tótenshe jaǵdaı kezinde azyq-túlik jáne birinshi kezekte qajetti taýarlarmen qamtamasyz etilýi úshin jataqhanaǵa azyq-túlik pen taýarlar jáne birinshi kezekte qajetti zattar jetkizildi.

Qazir joo-lar basshylyǵy birneshe kúnge azyq-túlik rezervin qalyptastyrdy. Jedel jeli telefondary jumys isteıdi.

8-7172-74-16-24

8-7172-74-20-67

8-7172-74-23-52