Jataqhanada eki stýdentti pyshaqtaǵan er adam qamaýǵa alyndy
QARAǴANDY. QazAqparat – E.A. Bóketov atyndaǵy Qaraǵandy ýnıversıtetiniń jataqhanasynda eki stýdentke pyshaq salǵan jigit qamaýǵa alyndy. Zardap shekkenderdiń biriniń jaǵdaıy áli de aýyr, dep habarlaıdy QazAqparat tilshisi.
«Qaraǵandy tergeý sotynyń sýdıasy tergeýshiniń ótinishin qanaǵattandyryp, kúdiktige eki aı merzimge «kúzetpen ustaý» sanktsııasyn berdi», - dep habarlady Qaraǵandy oblystyq sotynyń baspasóz qyzmeti.
Qazirgi ýaqytta tergeý júrip jatyr. Sonymen qatar psıhologııalyq-psıhıatrııalyq saraptama taǵaıyndaldy.
Esterińizge sala keteıik, 22 qazan kúni saǵat 02.40 shamasynda E.A. Bóketov atyndaǵy Qaraǵandy ýnıversıtetiniń jataqhanasynan aýrýhanaǵa pyshaq jaraqatymen 17 jáne 18 jastaǵy eki stýdent tústi. Atalǵan fakti boıynsha sotqa deıingi tergeý bastaldy. Oqıǵa ornynda 17 jastaǵy kúdikti ustaldy, ol stýdentterge pyshaq jaraqat salǵanyn moıyndady.
«18 jastaǵy jábirlenýshiniń jaǵdaıy turaqtandy, ol palataǵa aýystyryldy. Al 17 jastaǵy stýdenttiń jaǵdaıy áli de aýyr, ol jansaqtaý bóliminde jatyr», - delingen Qaraǵandy oblysynyń Densaýlyq saqtaý basqarmasynyń baspasóz qyzmeti taratqan aqparatta.
