Jataqhana túrinde qaıta jabdyqtalǵan úılerde órt shyǵý qaýpi joǵary bolady – maman pikiri
«Statıstıka kórsetkendeı, órtterdiń basym bóligi jeke turǵyn úı sektoryna tıesili. Taldaýǵa mán bersek, órtterdiń órshý merzimi – qysqy kezeńge saı keledi, aýa raıy kúrt sýyp, ot jaǵylǵanda órt shyǵý qaýpi de eselene túsedi. Sondyqtan 15 tamyz ben 15 qyrkúıek aralyǵynda órt qaýipsizdigi aılyǵy ótedi. Mamandar turǵyn úılerde órt qaýipsizdigin qamtamasyz etý máseleleri boıynsha turǵyndarǵa keńes beredi», - dedi E. Otarǵalymuly Astana kommýnıkatsııalar qyzmetinde ótken brıfıngide.
Onyń aıtýynsha, basty nazar áleýmettik osal toptarǵa aýdarylady. Olardyń turǵylyqty mekenjaıynda aldyn alý jumysy júredi, órt habarlaǵyshtaryn, kómirtegi totyǵy datchıkterin jáne gaz taldaǵyshtaryn ornatý jumystary jalǵasady.
Árbir ekinshi órt – elektr jabdyqtaryn montajdaý jáne tehnıkalyq paıdalaný erejeleriniń buzylýyna baılanysty týyndaǵan. Ekinshi jáne úshinshi oryndaǵy órt – peshterdi ornatý jáne paıdalaný kezinde órt qaýipsizdiginiń buzylýyna jáne otpen abaısyz jumys isteýine baılanysty.
«Jataqhana túrinde qaıta jabdyqtalǵan turǵyn úıler de bizdiń alańdaýshylyǵymyzdy týdyrady. Dál osyndaı 1200-den astam nysan bizdiń esepke alynǵan. Qys mezgilinde turýǵa beıimdelmegen saıajaı úıleriniń de órtke qarsy jaǵdaıy alańdatady. Sebebi bul úı-jaılarda órt qaýipsizdigi erejeleri saqtalmaıdy, jylytý peshterinde aqaý bolady, evakýatsııa joldary janǵysh zattarmen jasalady. Sondaı-aq, onda alǵashqy órt sóndirý quraldary bolmaıdy jáne órt avtomatıkasy qarastyrylmaǵan. Tótenshe jaǵdaıda munyń saldary óte qaıǵyly bolatynyn aıtqymyz keledi», - dedi spıker.
Sonymen birge, áleýmetten tys ómir saltyn ustanatyn turǵyndar, turǵylyqty mekeni joq adamdardyń jıi júretin oryndary órt qaýpi joǵary nysan retinde qaperge alynady.
Aıta keteıik, jyl basynan beri astanalyq órt sóndirýshiler 3,5 myńnan astam shuǵyl shaqyrýǵa barǵan. Onyń ishinde 194 adam qutqaryldy, 222 adam evakýatsııalandy, 78 zardap shegýshige dárigerge deıingi kómek kórsetilgen.
