Jat dinı aǵym ókilderi dinnen basqanyń bárin teriske shyǵarady - sarapshy
Ulttyq dástúrimizdi saqtap, jyltyraǵan jalǵan senimderge boı aldyrmaı damý, keler urpaq úshin orasan zor mura ekendigin aıqyn kórsetti. Eger jańǵyrý eldiń ulttyq, rýhanı tamyrynan nár almasa, ol adasýǵa bastaıtyny anyq.
Jastar júregi patrıottyq sezimge toly bolmasa, týǵan jerine degen qurmet, týǵan eline degen súıispenshilik sezimi qalyptaspasa, ulttyq rýhanı bolmysyn saqtaı almasa el bolashaǵyna qaýip tónedi.
Elimizdiń tarıhyn, qazaq halqynyń dástúrli qundylyqtaryn boıyna sińirgen ıslam dininiń ózindik damý joly bar. Bul dástúrler qazaq halqynyń ulttyq birtutastyǵynyń belgisi bolyp tabylady. Búgingi qoǵam jastary ózderiniń mádenıetin, tilin, dástúrin saqtaý kerek. Bul degenimiz – rýhanı negizdi ıgerýdegi búgingi jahandaný zamanynda mádenıettiń quldyraýynan saqtaıtyn, san túrli sıpattaǵy destrýktıvti aǵymdarǵa qarsy turýdy qalyptastyratyn qorǵan.
Elbasy N.Nazarbaev: «Biz ata-babalarymyzdan qalǵan dástúrli Islam dinin, onyń ishinde Hanafı mazhabyn ustanýshy halyqpyz. Ózimizdiń tilimiz, dinimiz, mádenıetimiz, ulttyq qundylyqtarymyzben ádet-ǵurpymyz bar halyqpyz», - dep aıtqan bolatyn.
Jastardyń teris pıǵyldaǵy jat dinı aǵymdardyń jeteginde ketýi - búgingi qoǵamymyzdaǵy basty dertterdiń biri. Onyń basty sebebi: dástúrli dini, mádenıeti, tarıhy jáne salt-dástúrleri jaıly jetkilikti bilimderiniń bolmaýy. Harızmatıkalyq qasıetterge ıe teris dinı aǵym nasıhattaýshysy dinnen az habardar adamdy ońaı tanıdy jáne ony óz qaramaǵyna tartyp alady. Sol sebepti, din máselesinde suraq týyndaǵan kezde jaýapty eń áýeli Qazaqstan Musylmandary dinı basqarmasynyń resmı saıttarynan anyqtaýǵa bolatyndyǵyn atap ótken jón.
Teris dinı aǵym ókilderi qazaq halqymen jasasyp kele jatqan merekelerge, zaıyrly is-sharalar men ózge dinderdiń merekelerine qarsy. Tipti, tamyry tereńnen bastaý alǵan Naýryz meıramyn da toılaýdy durys kórmeıdi. Sonymen qatar, jat aǵym ókilderi ıslam dinin ustanatyn elderde keńinen atalyp ótetin Muhammed paıǵambardyń týǵan kúni — Máýlit meıramyn atap ótýge de qarsy ekeni belgili.
Qatańdyqqa beıim teris aǵym ókilderi «qansha ǵasyrdan bergi barlyq musylmandar qatelesip keldi» deıdi jáne ózderiniń dinı kózqarastarymen kelispeıtin ǵalymdardy adasqandar sanatyna jatqyzady.
Islam dinin «jańashyldyqtardan tazartýǵa» umtylǵysh teris aǵymdar ózderin «taza dindi qalpyna keltirýshilermiz», dep ataıdy. Alaıda, olar Quran men hadısterdi ǵalymdardyń túsinigimen emes, tike jáne tar maǵynasynda qabyldaıdy. Olar óz túsinikterinde dinnen basqanyń bárin teriske shyǵarady. Bul aǵymdar ıdeologııasy qazaq qoǵamynyń rýhanı qundylyqtary men dástúrine qarsy tur.
Jat dinı aǵym ıdeologııasynyń taralýyna tosqaýyl qoıý maqsatynda elimizdiń barlyq óńirlerinde aldyn-alý jáne ońaltý sharalary ótkizilýde. Almatyda jastar arasynda dinı ekstremızm men terrorızmniń aldyn alý maqsatynda aqparattyq-túsindirý toby músheleriniń qatysýymen júzdegen kezdesýler, semınarlar jáne lektsııalar uıymdastyrylýda Shara barysynda jastarǵa teris dinı aǵymdardyń zııany túsindirilip, Almaty qalalyq damý basqarmasynyń tapsyrmasymen daıyndalǵan beınerolıkter kórsetiledi.
Zaıyrly qoǵamda ósken urpaq teris dinı senimderdiń sońynan ermeı, ár nársege synshyl sanamen qaraıtyn, jan-jaqty bilim alýǵa umtylǵan jáne de ózge din ókilderine qurmetpen qaraıtyn azamat bolyp ósýi tıis.
Aınur Bekjanova sarapshy
