Jat aǵym jeteginde júrgen 300 aqtóbelik dástúrli ıslamǵa bet burdy
Aqtóbede Halyq qaýipsizdigin qamtamasyz etý jobasy aıasynda jumys jalǵasyp jatyr. Óńirde dinı ahýaly qıyn Muǵaljar, Temir, Shalqar aýdandaryna basymdyq berilip, teolog, zańger, psıhologtary bar kommýnaldyq kásiporyndar ashyldy.
Aqtóbe oblystyq din isteri jónindegi basqarma basshysy Joldas Qalmaǵambetovtyń aıtýynsha, jyl basynan beri óńirge 33 teolog kelip, dástúrli emes dinı aǵym ókilderimen kezdesti.
«Barlaǵy 545 jeke kezdesý ótkizilip, 309 adam dástúrli ıslam dinine qaıta bet burdy. Birneshe aýdandarda bilikti teologtar jumysqa tartylyp, turǵyn úılermen qamtamasyz etildi. Aqtóbe «Ýaqyp» qaıyrymdylyq qorymen birlesken jumysty alǵashqylardyń biri bolyp bastady. Qordyń negizgi maqsaty - qaıyrymdylyq qarajatyn jınaý, áleýmettik jobalardy, bilim berý-aǵartý is-sharalaryn qarjylandyrý, sonymen qatar, din qyzmetkerleri jumysynnyń tıimdiligin arttyrý jáne dinı mekemelerdiń qyzmetin qoldaý. Jaqynda qor qarjysy esebinen 20 adam jeke bıznesin ashýǵa paıyzsyz nesıe alyp, Aqtóbe medrese-kolledjiniń 8 stýdenti men «Nur-Múbárák» ýnıversıtetiniń aqtóbelik stýdentterine stependııa taǵaıyndaý boıynsha kelisim jasaldy»,- dedi J.Qalmaǵanbetov.
Aıta keteıik, óńir basshysy Berdibek Saparbaev bul baǵyttaǵy jumysty jandandyrýdy tapsyrdy.
