Jasyryn jumys istep kelgen 386 oıynhana anyqtaldy
ASTANA. 19 qazan. QazAqparat - 2012 jyldyń basynan beri elimizde jasyryn túrde zańsyz jumys istep kelgen 386 oıynhanalar anyqtaldy.
Bul týraly búgin Parlament Senatynda «Qylmystardyń aldyn alý jáne quqyq buzýshylyqtar profılaktıkasy: qazirgi jaı-kúıi jáne jetildirý perspektıvalary» taqyrybyna arnalǵan konferentsııa barysynda Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary Marat Ahmetjanov málim etti.
«Sońǵy ýaqytta elimizdegi zańsyz oıyn bıznesiniń jolyn kesý jónindegi jumystar jandana tústi. Máselen, aǵymdaǵy jyl basynan beri biz zańsyz, jasyryn túrde jumys istep kelgen 386 oıyn mekemelerin anyqtadyq. Bul ótken jyldyń osy kezeńimen salystyrǵanda 10 esege artyq kórsetkish», - deıdi M.Ahmetjanov. Onyń aıtýynsha, Qarjy polıtsııasy qylmyspen kúreste tıimdi sharalar josparyn ázirleýge kirisken. «Óıtkeni, statıstıkalyq málimetterdiń naqtylyǵy qabyldanatyn sharalardyń balamalyǵyna tikeleı áser etedi», dedi tóraǵa orynbasary.
