Jasyryn mıgranttar Qazaqstannan jyl saıyn 5-7 mlrd. dollar kóleminde qarjy shyǵarady
«Baıqylanbaıtyn (jasyryn) eńbek mıgranttarynyń qyzmetiniń nátıjesinde Qazaqstannan jyl saıyn 5-7 mlrd. dollar kóleminde qolma-qol aqsha jáne bankter men ózge tólem júıeleri arqyly 1 mlrd. dollardan astam qarjy shyǵarylady. Bul turǵyda áleýmettik táýekelderdi jabý úshin salyqtar men ózge de aýdarymdar tólenbeıdi», - dedi vıtse-mınıstr «Kóshi-qonnyń áleýmettik-ekonomıkalyq áserleri: mıgranttardyń qorǵansyzdyǵy jáne Ortalyq Azııadaǵy ıntegratsııalyq qajettilikter» atty dóńgelek ústelde.
Onyń sózine qaraǵanda, kóshi-qonnyń taǵy bir jaǵymsyz aspektisi adam saýdasyna baılanysty bolyp otyr. Bul úderis transulttyq jáne transshekaralyq sıpatqa te bolýda jáne Almaty protsesine qatysýshy elderi úshin tym ózekti taqyrypqa aınalýda.
«Halyqaralyq aspektide adam saýdasyndaǵy qurbandardyń basym bóligin mıgranttar quraıdy. Halyqaralyq kóshi-qon uıymynyń statıstıkasyna sáıkes, barsha álemde májbúrli eńbek arqyly túsetin zańsyz tabys 150 mlrd. AQSh dollarynan astam qarjyny quraıdy. 21 mıllıonǵa jýyq adam májbúrli eńbektiń qursaýynda, onyń ishinde 1 mıllıonnan astam bala álemdegi adam saýdasynyń qurbandaryna aınalýda. Shamamen qazirgi zamanǵy álemde árbir jetinshi adam mıgrant bolyp tabylady», - deıdi B. Nurymbetov.