Jasym júzden assa da, saılaýǵa óz aıaǵymmen barǵym keledi - R.Manasbaeva
ALMATY. 31 naýryz. QazAqparat /Áıgerim Ámir/ - Almatylyq uzaq jasaǵan ana Rystaı Manasbaeva egde jasyna qaramastan 3 sáýir kúni QR Prezıdenti saılaýyna óz aıaǵymen baryp daýys bergisi keledi.
Manasbaeva Rystaı 1909 jyldyń 1 qańtarynda dúnıge kelgen. Ol - eńbek ardageri, tyń jerdi ıgergen alǵashqy traktorshy áıelderdiń biri. Bir ul men bir qyzdan taraǵan, 30-dan astam nemere, shóbere men shópshektiń ortasynda otyr. Óz eliniń patrıoty bolǵandyqtan, Rystaı apamyz saılaý kúni № 121 jalpy bilim beretin mektepte ornalasqan № 130 saılaý ýchaskesine ózi baryp, qalaǵan kandıdatyna daýys bermek.
Almaty qalasynyń Áýezov aýdanynda 300 myńnan asa adam turady. Onyń 36 myńnan astamy zeınetkerler. Sonymen qatar, Áýezov aýdanynda uzaq ǵumyr súrýshiler sany - 5 myńǵa jýyq. Onyń ishinde 90 jastan asqandar sany - eki júzden asady jáne 16 adam júzden asqan.
Aýdan ákimshiliginiń aıtýynsha, olar qarııalardyń jaqsy ómir súrýi úshin óz taraptarynan bárin jasap otyr. Al, saılaý kúni saılaýǵa ózderi kele almaıtyn qarııalardyń úıine komıssııa músheleri saılaý bıýlletenderin salatyn arnaıy jáshikti apartyn bolady.
