«Jasyltóbe» zastavasy mańynda zańsyz tıelgen taýardy alyp ótpek bolǵan azamat ustaldy
ASTANA. 24 qyrkúıek. QazAqparat - Qordaı shekara otrıadyna qarasty «Jasyltóbe» zastavasynan 7 shaqyrym jerde zańsyz túrde halyq tutynatyn taýarlar tıelgen «Mıttsýbısı Padjero» avtokóligi ustaldy.
«Naqtyraq aıtqanda, mashınada jalpy salmaǵy 300 keli bolatyn balalar zattary anyqtaldy. Al júrgizýshiniń ózi shekarashylardy kórisimen qyrǵyz aýmaǵyna qaraı qashyp, kózden tasa boldy.
Osy bólimsheniń kúshimen atalǵan zastavadan úsh shaqyrymdaı jerde 1994 jyly týylǵan Nartaı esimdi otandasymyz ustaldy», - delingen QR UQK ShQ baspasóz qyzmetiniń habarlamasynda.
Sondaı-aq, shekara buzýshy azamat qyrǵyz jaǵynan beri qaraı salmaǵy 230 kelideı bolatyn qus etin ótkizip alýǵa talpyndy.
Atalǵan derekter boıynsha Gvardııa garnızonynyń quqyqqorǵaý organdary tergeý amaldaryn júrgizýde.
